التناقض اللذيذ

التناقض اللذيذ




نادرا ما يقف احدهم امام المرآة كل صباح ليوبخ نفسه علي خطأ ارتكبه... طبعا انا اتحدث عن مدافن الغزاة و الطيبين وحديثي يخص محتكرة الامومة في العالم كله.. ام الدنيا مصر

بالتأكيد اكثر ما يضحكني في مصر هو متابعة افلام نصر اكتوبر الكوميدية و مشاهدة اقوي جندي في العالم (الجندي المصري) و هو يسقط الدبابات و الطيارات و الغواصات ..و اتعجب كثيرا انه لا يستطيع ان يسقط حكومة او نظام ظالم...غريبة مش كدة..؟؟

اللذ ما في الامر و اكثره متعة هي طوابير الدراويش التي بدأت تطل علي عالمنا بين الحين و الأخر من مريدي القنوات الفضائية و شرائط الكاسيت..و اطلت علينا في اواخر ايام السادات و اعدت كل ما تستطيع من قوة لقتال الأعداء و اسقطت الالاف من المسلمين و غير المسلمين برصاص الغدر و سكاكين و سيوف الخيانة و تتبعتهم الحكومة في مزارع القصب تجز اعناقهم كالنعاج في واحدة من اكثر النهايات كوميديا

تناقض غريب داخل شخصية المصري ينبع من شعور داخلي من التكبر الحلزوني المفلطح و لم لا و احنا 7000 سنة حضارة 3 منهم كنا بنعبد فرعون و 4 الاف سنة كنا خدامين لحضارات تانية و بنزرع القمح علشان روما تعيش..و لازم تعييش

شعور عام بكرم الشخصية المصرية ناتج من ارتفاع الأجور الملحوظ و رخص ثمن السلع و محدش بيموت من الجوع و لا حتي في اقسام الاطفال في ابو الريش و الدمرداش و لا حتي في عنابر الانيميا في اي مستشفي حكومي المصري

شخصية كوميدية و مرحة ستشعر بذلك فور ركوبك لاي اتوبيس عام و لا خاص حتي مش بتفرق ستشاهد الابتسامة الكاميرونية (نسبة الي كاميرون دياز) علي شفاة كل مصري و كل مصرية..لأن كل ما نمر به يدفع للضحك الهستيري و الضحك حتي البكاء و الضحك حتي الموت...و اهه نرتاح و نخلص حاول ان تضحك في اي مكان في مصر في الفصل او في قاعة المحاضرات او في مكان العمل او امام مديرك و سيتم محاكمتك في ميدان عام لأن الضحك من غير سبب قلة ادب و سلملي علي الشعب الفكاهي

اللذ ما في الموضوع و المضحك حتي الثمالة هو موضوع النخوة و الدم الحامي...ده لو كان في دم اصلا ستلاحظ النخوة تتفجر من المصريين في جنينة الاسماك و جنينة الحيوان و جنينة الحشرات و جنينة الديناصورات لو موجودة المصريين عمالين ينشروا النخوة في كل مكان و حاليا في المواصلات العامة النخوة شغالة الله ينور..صدقوني مش قادر استحمل نخوة اكثر من كدة من اول الكورنيش و لحد مجلس الشعب مرورا ببوّاسين (جمع بوّاس و هو الشخص اللي بيبوس كتير) الجزم الأمريكاني و بائعي الغاز المصري لأسرائيل

تناقضات غريبة تثير في نفس شعور بان هذا الشعب يعيش اغرب حالات المرض النفسي الجماعي و اسف علي الازعاج